V  ក្រុម BTS ជួន​កាល​ក៏ជា​អ្នក​ត្រូល​ម្នាក់​ និង​បាន​និយាយ​រឿង​គួរ​ឱ្យ​អស់​សំណើច​មួយ​ចំនួន​ពេល​ជជែក​ពី​ជីវិត​ស្នេហា​នៅអតីត​កាល​របស់​គាត់​។​

ខាង​ក្រោម​ជា រឿ​ង​រ៉ាវ​ជីវិត​ស្នេហា​ ដែល​គាត់​ធ្លាប់​ទម្លាយ​ប្រាប់​ ៣ ដង​៖

1. រឿង​រ៉ាវ​ពី​ស្នេហ៍គ្រា​ដំបូង​របស់​គាត់​

នៅ​ក្នុងវគ្គមួយ​ក្នុងកម្មវិធី Rookie King សមាជិក​មួយ​ចំនួន​របស់​ក្រុម BTS បាន​លើក​មក​និ​យាយ​ពី​ស្នេហា​គ្រា​ដំបូង​របស់​ពួក​គេ​រៀងៗ​ខ្លួន​។ V បាន​ធ្លាប់​មាន​រឿង​រ៉ាវ​ស្នេហា​ស្រឡាញ់​នារី​ម្នាក់​តែ​ម្នាក់​ឯង​នៅអតីត​កាល​។ V បាន​គ្រោង​សារ​ភាព​ស្នេហ៍​ប្រាប់​នារីម្នាក់​នេះ​តាម​ទូរសព្ទ​ដៃ​។​

 

 

គម្រោង​របស់ V បញ្ចប់​ទៅ​វិញ​ ពីព្រោះ​មាន​ភ្លៀង​នៅ​ថ្ងៃ​នោះ ហើយ​នារីម្នាក់​នោះ​មិន​បាន​លើក​ទូរសព្ទ​របស់​គាត់​។ V ទុក​ព្រួយ​ពេល​ធ្វើ​ដំណើរ​ត្រលប់​ទៅផ្ទះ​វិញ ហើយបទ​របស់ Lee Juck មាន​ចំណង​ជើង​ថា “Rain”  ក៏​ចាប់​ផ្តើម​បន្លឺ​ឡើង​នៅ​ក្នុងរថយន្ត​។​

 

 

បុគ្គលិក​ក្នុង​កម្មវិធី​នេះ​សួរ​ចង់ដឹង​ខ្លាំង​ និង​សុំ​ឱ្យ​ V បញ្ជាក់​ ថា វាជា​រឿង​ពិត ឬប្រឌិត​។ បន្ទាប់​មក V និយាយ​ត្រង់​ និងថា រឿង​រ៉ាវ​ខ្ញុំស្រលាញ់​គេ​តែ​ម្នាក់​ឯង​នោះជា​ការ​ពិត​ ប៉ុន្តែ​ផ្នែក​មួយ​ពីការ​ស្តាប់​ចម្រៀង​របស់ Lee Juck មាន​ចំណង​ជើង​ថា “Rain” ជា​រឿង​ប្រឌិត​ឡើង​ទេ​។​

 

 

2. V លើក​មក​និយាយ​ពីប្រវត្តិ​ណាត់​ជួប​របស់​គាត់​

ក្នុង​ឱកាសក្រុម BTS បាន​បង្ហាញ​ខ្លួន​ជា​ភ្ញៀវ​ក្នុងកម្មវិធី  Super Junior Shindong‘s ShimShimTaPa Ke គេ​បានសួរ​ V ធ្លាប់​ណាត់​ជួប​នារី​ណាម្នាក់​អត់​ពីមុន ហើយ​គាត់​បាន​និយាយ​ថា គាត់​ធ្លាប់​!

 

 

ពេល​រៀននៅថ្នាក់ទី១ គាត់​បាន​ឆាត​ជាមួយនឹង​មនុស្ស​ជា​ច្រើន​ក្នុង​កម្ម​វិធី​ SayClub (កម្មវិធី​ផ្ញើសារ​អន​ឡាញ) ។ Shindong និង​សមាជិក​ក្នុង​ក្រុម BTS ផ្សេង​ទៀត​ចាប់​ផ្តើម​ផ្ទុះសំណើច​បន្ទាប់ពី V និ​​យាយ​រួច​។​

 

 

បន្ទាប់មក V ថា “ខ្ញុំបាន​ណាត់​ជួប​ជាមួយនឹង​មិត្ត​រួម​ថ្នាក់​ប៉ុន្មាន​នាក់​ដោយ​ផ្ញើសារ​តាម​អន​ឡាញ​ជាមួយ​គ្នា​ទៅ​វិញ​ទៅមក​ ដែល​ធ្វើ​ឱ្យ​គេ​ផ្ទុះ​សំណើច​ទៀត​។​

 

 

V ក៏ប្រាប់​ថា គាត់​ទទួល​បាន​ការ​សារភាព​ស្នេហ៍​ជា​ច្រើន​តាមរយៈ​កម្មវិធី Sayclub។ V ឈប់ប្រើ​កម្មវិធី Sayclub ពេល​គាត់​ចូល​រៀននៅអនុវិទ្យាល័យ​។​

 

 

ខណៈ​ V ទទួល​បានការ​សារភាព​ស្នេហ៍​ជា​ច្រើន​តាម​អន​ឡាញ គាត់​បាន​ប្រាប់​ថា គាត់​មិនដែល​ត្រូវ​បាន​គេ​សារភាព​ស្នេហ៍​នៅ​នឹង​មុខ​សោះ​។​

 

 

3. ប្រតិ​កម្ម​របស់ V ពេល RM សួរ​គាត់​ពី​ស្នេហ៍គ្រា​ដំបូង​របស់​គាត់​

រឿង​នេះ​ខុស​គេ​ ព្រោះ V មិន​ផ្តល់​ចម្លើយ​សោះ​។ នៅ​ក្នុងកម្មវិធី Run BTS! V ជិត​ធ្វើ​បទ​បង្ហាញ​មួយ​ ខណៈ​គាត់​ត្រូវ​បាន​បង្អាក់​​ដោយ សារសំណួរ​របស់ RM សួរគាត់​ថា “សូមប្រាប់យើង​ពីស្នេហ៍គ្រា​ដំបូង​របស់​អ្នក”។​

 

 

V រឹង​បបូរ​មាត់​ និង​សើច​បន្តិច​បន្ទាប់ពី​ឮសំណួរ​របស់ RM នេះ។​

 

 

V ធ្វើ​ជា​មិន​អើ​ពើ​នឹង​សំណួរ​បែប​លែងសើច​របស់ RM នេះ ហើយ​ក៏បន្ត​ការ​ធ្វើ​បទ​បង្ហាញរបស់​​ខ្លួន​ទៅ​៕

 

 

ប្រភព៖ koreaboo

(Number Of Views: 3,612 times)