Highlight កំពុង​ត្រៀម​ខ្លួន​វិល​វិញ​ដើម្បី​បំពេញ​ចិត្ត​អ្នក​គាំទ្រជា​ច្រើន​ដែល​ទន្ទឹង​រង់​ចាំ​ពួក​គេ​យ៉ាង​យូរ​។ នៅ​ថ្ងៃទី៧ ខែមេសា នេះ​សារ​ព័ត៌មាន Xportsnews បាន​រាយការណ៍​ថា ក្រុម​ចម្រៀង​នេះ​នឹង​វិល​វិញ​នៅ​ដើម​ខែ​ឧសភា។​​ តប​ទៅ​នឹង​សេចក្តីរាយការណ៍​នេះ ភ្នាក់​ងារ​របស់​ក្រុម Highligh ផលិតកម្ម Around US Entertainment បាន​បញ្ចេញ​មតិ​ដូច្នេះ “ក្រុម​នេះ​កំពុង​ត្រៀម​ខ្លួន​សម្រាប់​ចេញ​អាល់ប៊ុម​ថ្មី​មួយ​ក្នុងខែ​ឧសភា”។

មុន​ការ​វិល​វិញ​របស់​ពួក​គេ​ ក្រុម​នេះ​នឹង​មាន​វត្តមាន​ក្នុង​កម្មវិធី​តាម​អន​ឡាញ​ថ្មី​មួយ​ដែល​នឹង​ចាក់​ផ្សាយ​ដំបូង​នៅ​ថ្ងៃទី១៦ ខែមេសា​។ ដោយ​សារ​សមាជិក​ក្នុង​ក្រុម​នេះ​បាន​ចូល​បំពេញ​កាតព្វ​កិច្ច​យោធា​រហូត​ដល់​ឆ្នាំមុន នេះ​ជា​ការ​វិល​វិញ​ដំបូង​នា​ពេល​ខាង​មុខ​របស់​ពួក​គេ​បន្ទាប់​ពី​ចេញ​អាល់ប៊ុម​ដំបូង “OUTRO” ​កាល​ពី​ជាង​ ២ ឆ្នាំ និង​៦ ខែ​មុនក្នុង​ខែវិច្ឆិកា ឆ្នាំ២០១៨​។ បន្ត​តាម​ដាន​ព័ត៌មាន​បន្ថែម​!

ប្រភព៖ soompi

(Number Of Views: 35 times)