ឥលូវ Cardi B បាន​ឆ្លើយ​តប​ទៅនឹង “WAP” challenge របស់​ Rosé’ ក្រុម BLACKPINK  ។ បន្ទាប់​ពី  Rosé t បាន​ល្បី​ល្បាញ​ពេញ​ក្នុង​កម្មវិធីបង្ហាញ​សមត្ថភាព​បញ្ចេញ​ក្បាច់​រាំ​ក្នុង​ TikTok ។ អ្នក​គាំទ្រ​ជា​ច្រើន​បាន​បង្ហោះ​ចែក​រំលែក​ “WAPSÉ” (មាន​ “WAP” និង​ “Rosé”) ឱ្យ​ទទួល​បាន​ការ​ចាប់​អារម្មណ៍​ខ្លាំង​នៅ​លើ​ធ្វីត​ធឺ​ ហើយ​​វា​ក៏​ឮ​ទៅដល់​តារា​ចម្រៀង Cardi B ដែល​ជា​ម្ចាស់បទ  “WAP”។ កាល​ពីថ្ងៃទី៤ ខែមេសា ម៉ោង​ក្នុង​តំបន់​ តារា​ចម្រៀង​រ៉ែសញ្ជាតិ​អាមេរិក​រូ​បនេះ​បាន​ចូល​ទៅកាន់​គណនី​ធ្វីត​ធឺរបស់​នាង​ដើម្បី​ប្រាប់​ថា នាង​បាន​កំពុង​ស្វែង​រក​វីដេអូ​ចម្រៀង​មួយ​​នៃ​ការ​បញ្ចេញ​ក្បាច់​រាំ​របស់ Rosé  សម្រាប់​បទ​នេះ​ ដោយ​សរសេរ​ថា “កំពុង​រក​មើល​ Wapse” ។

នៅ​ពេល​អ្នក​គាំទ្រ​ម្នាក់​ឧហ្សាហ៍​ម្នាក់​បាន​ជួយ​នាំ​នាង​ឱ្យ​អាច​រក​ឃើញប​ទ​នេះ Cardi B  បាន​បង្ហាញ​នូវ​ក្តី​ស្រឡាញ់​របស់​នាង​ដោយ​ឆ្លើត​តប​ស្ងើច​សរសើរ​​ពេញ​នឹង Rosé​ ដែល​ពូកែ​បង្ហាញ​កាយ​វិការ​គួរ​ឱ្យ​ស្រឡាញ់​ ខណៈ​បញ្ចេញ​សមត្ថ​ភាព​រាំប​ទ​នេះ​។​​

ដោយ​បាន​បង្ហោះ​ចែក​រំលែក​ឃ្លីប​បញ្ចេញ​សម្ថភាព​រាំ​របស់ Rosé តារា​ចម្រៀង Cardi B សរសេរ​រៀប​រាប់ថា  “នាង​នៅ​តែ​មើល​ទៅ​ស្អាត​ស្អំ​ណាស់​….Sooo [cuteee]”។

កន្លង​ទៅ BLACKPINK និង​ Cardi B បាន​សហការ​គ្នា​សម្រាប់​សម្រៀង​​ “Bet You Wanna” ដែល​ជា​បទ​មួយ​ក្នុង​ចំណោម​បទ​ផ្សេង​ទៀត​ដែល​ឋិត​ក្នុង​អាល់​ប៊ុមស្ទូឌីយ៉ូ​ដំបូង​របស់​ពួកគេ​មាន​ចំណង​ជើង​ថា “THE ALBUM,” ដែល​បាន​ចេញ​កាល​រដូវ​ស្លឹក​ឈើ​ជ្រុះ​ឆ្នាំមុន​។​

Rosé បាន​ធ្វើ​ឱ្យ​បំណង​ប្រាថ្នា​របស់​អ្នក​គាំទ្រ​​ម្នាក់​ក្លាយ​ជា​ការ​ពិត​ដោយ​រាំ​តាម Cardi B និង​បទ “WAP” ដ៏​ល្បីរបស់​ Megan Thee Stallion ។

កាល​ពីខែមុន  Rosé  បាន​បើក​គណនី​ TikTok  ផ្ទាល់​ខ្លួន​មួយ​បន្ទាប់​ពី​​បង្ហាញ​ខ្លួន​ជាមួយ​នឹង​បទ​ចម្រៀង​ទោល​ដំបូង “On The Ground.” ​បាន​ដោយ​ជោគ​ជ័យ ។ អ្នក​គាំទ្រ​ម្នាក់​បាន​ស្នើ​សុំ​នាងបញ្ចេញ​សមត្ថភាព​​រាំបទ​​ “WAP” ឱ្យ​ល្បី​ពេញ​ TikTok ដោយបញ្ចេញ​មតិ​ថា “Do the WAP bestie”។

ក្រោយមក Rosé តប​វិញ​ដោយ​និយាយ​លេង​សើច​ថា “ប្រហែល…maaaayybbeee បើ​ខ្ញុំទទួល​បាន​ 10M. ;)”។

ឥលូវ​នេះ ប្រហែល​ជាង​ ២ សប្តាហ៍​បន្ទាប់​ពីនាង​បាន​បើក​ដំណើរ​គណនី​របស់​នាង Rosé  ទទួលបាន ​អ្នក​ subscribers នៅ​ក្នុង​កម្មវិធី TikTok ដល់​ទៅ 10 លាន​នាក់​ ហើយ​នាង​ក៏ធ្វើ​តាម​ស​ម្តី​របស់​ខ្លួន​ នាង​បាន​បង្ហោះ​វីដេអូ​មួយ​របស់​នាង​ដែល​បញ្ចេញ​ក្បាច់​រាំ​បទ “WAP” ដើម្បីប្រាប់​ថា នាង​ធ្វើ​តាម​ដូច​ការ​សន្យា។​ Rosé  បាន​សរសេរ​នៅ​ចំណង​ជើ​ងថា “#10M!! Here you go” ។

តោះ​ទៅមើល​នាង​បញ្ចេញ​សមត្ថ​ភាព​​រាំ​បទ “WAP” នៅ​ខាង​ក្រោម​!

ប្រភព៖ soompi

(Number Of Views: 4,686 times)