Soojin ក្រុម (G)I-DLE បង្ហោះ​សារ ក្រោយមាន​គេ​ចោទ​ថា​នាងធ្លាប់​ជា​ជើង​កាងកាល​នៅរៀន​​៖

សួស្ដី នេះ​គឺ Soojin។ ក្រោ​យគិត​យ៉ាង​យូរ ខ្ញុំ​ក៏​សម្រេច​ចិត្ត​សរសេរ​សារ​នេះ។ កាល​ខ្ញុំ​នៅ​ជា​សិស្ស​ ខ្ញុំ​តែង​លេច​ធ្លោជាង​គេ ហើយ​វា​ជា​ការ​ពិត​ដែល​ពាក្យ​ចចាមអារ៉ាមចោទ​ប្រកាន់​តែង​កើត​ឡើង​នៅជុំ​វិញ​ខ្ញុំ​។ ខ្ញុំ​ព្រម​ទទួល​ថា​ខ្ញុំ​មិន​មែន​ជា​សិស្ស​ល្អ ហើយ​ក៏​ជា​ការ​ពិត​ដែល​ខ្ញុំ​ធ្លាប់​ជក់​បារី​ពីរបី​ដង។ ខ្ញុំ​ជា​ក្មេង​មាន​បញ្ហា​ពិត​មែន​កាលពីមុន ប៉ុន្ដែ​ខ្ញុំឈប់ជក់​យូរ​ណាស់​ហើយ​។ ខ្ញុំជឿថា​ទោះ​បី​ខ្ញុំ​បាន​ព្យាយាមកែប្រែ​ខ្លួន​យ៉ាង​ណាក៏ដោយ តែនៅមាន​រឿង​អាម៉ាស់ខ្លះ​ដែល​ខ្ញុំបាន​ធ្វើ​ ហើយ​គួរ​សូម​ទោស​ ហើយនេះ​ជា​ដើមហេតុ​នៃ​រឿ​ង​គ្រប់​យ៉ាង​ដែល​កំពុង​កើ​តឡើង​។ ប៉ុន្ដែនៅ​មាន​ពាក្យ​ខ្លះខ្ញុំ​ចង់​និយាយ ខ្ញុំតែង​មិនអើពើនឹង​ពាក្យ​ចចាមអារ៉ាម​ទាំង​នោះ តែ​ពេល​នេះ​ខ្ញុំ​ត្រូវ​ធ្វើអ្វី​ខ្លះ​ព្រោះ​អ្នកគាំទ្រ​របស់​ខ្ញុំ​កំពុង​ពិបាក​ចិត្ត​។

អ្នក​អាច​មិន​ជឿ​ខ្ញុំ ប៉ុន្ដែ​ខ្ញុំ​នឹងរៀប​រាប់​អ្វី​ដែល​ចាំ​បាន​។

ខ្ញុំ​គិត​ថាខ្ញុំ​ធ្លាប់​ជា​មិត្ត​របស់​អ្នក​ដែល​បង្ហោះសារថ្ងៃ​នេះ។ ខ្ញុំ​ធ្លាប់​ទៅ​ញ៉ាំបាយ​នៅផ្ទះ​នា​ង ហើយ​ថែម​ទាំង​ធ្លាប់​ទៅមើល​កុន​ជាមួយ​បងស្រី​នាងទៀត​ផង​។ បងស្រី​ដែល​មានម្ដង​នោះ​ណែនាំ​ឱ្យខ្ញុំ​ប្ដឹងប៉ូ​លិស​ពេល​ខ្ញុំ​ទទួលបាន​សារ​គំរាមពីសិស្ស​ច្បង​ក្នុង​សាលា ហើយ​ខ្ញុំ​តែ​ង​អរគុណ​គាត់​មក​រហូត​។

ក្នុងសារដែល​​នាង​បាន​បង្ហោះ ខ្ញុំរក​ឃើញ​មូល​ហេតុដែលនាងឈប់​រាប់​អាន​ខ្ញុំ​។ ខ្ញុំ​ចាំបានថា​យើង​ធ្លាប់​វាយ​គ្នាព្រោះ​នាង​មិន​រក្សាសន្យា។ ខ្ញុំ​ខឹង​កាល​នោះព្រោះវា​មិន​មែន​តែមួយ​លើក​ទេ ហើយ​ខ្ញុំ​ក៏​មិន​បានដឹងទៀត​ថា​កាល​នោះ​នាង​ចង់នៅ​ឆ្ងាយ​ពី​ខ្ញុំ​ ដូច្នេះ​ខ្ញុំ​ខ្មាស់​ ហើយ​ចាំ​បាន​ថា​ ខ្ញុំ​និយាយស្ដី​ខ្លាំងៗ​ដាក់​នាង​។ បងស្រី​នាង​គឺ​ជា​អ្នក​លើក​ទូរសព្ទ ហើយ​ស្ដី​ឱ្យ​ខ្ញុំ​វិញ ខ្ញុំ​សូមទោស​ ហើយ​ក៏​បិទ​ទូរសព្ទ។ ចាប់​តាំង​ពីពេល​នោះ យើង​ក៏​ឈប់រាប់​អាន​គ្នា និង​ស្អប់​គ្នា​។​ 

ប៉ុន្ដែ​ពេល​នេះ ខ្ញុំចង់​បកស្រាយ​រឿង​ខ្លះ។

ដំបូង​គឺ ខ្ញុំមិន​ដែល​ប្រើហឹង្សា​លើ​នាង​ទេ ​ទីពីរ ខ្ញុំក៏​មិន​ដែល​ជិះ​ម៉ូតូ​ដែរ​ ទីបីរ​ ខ្ញុំមិន​ដែល​ផ្ញើសារទៅគំរាមនណាឡើយ ទីបួន ខ្ញុំ​មិន​ដែល​លួច​ឯកសណ្ឋាន​សាលារបស់នាង​ និង​ចុង​ក្រោយ ខ្ញុំ​មិន​ដែល​បាន​និយាយ​ជាមួយ Seo Sin Ae។ ខ្ញុំ​សូមទោសព្រោះគិត​ថាខ្ញុំបាន​ធ្វើ​ឱ្យ​នាង​ឈឺ។ រឿង​ទឹក​ផ្លែឈឺ​នោះ​ខ្ញុំចាំ​មិនបាន​ទេ ប៉ុន្ដែ​ខ្ញុំ​ជឿថា​ខ្ញុំមិន​ធ្លាប់​ធ្វើ​អាក្រក់​បែប​នោះឡើយ​។

ខ្ញុំ​សូមទោស​ដែល​រឿង​រ៉ាវ​ជីវិត​បុគ្គល​របស់​ខ្ញុំ​ក្លាយ​ជា​ពិភពបញ្ហា ហើយ​ខ្ញុំ​សូមទោស​ទៅ​កាន់​អ្នករាល់​គ្នា​ដែល​ធ្លាប់​ឈឺ​ព្រោះ​ទង្វើ​មិន​ចេះគិត​របស់​ខ្ញុំ​“។

ប៉ុន្ដែ​រឿង​អាច​មិនបញ្ចប់​ត្រង់​នេះ​ ព្រោះ​​បន្ទាប់​ពីសារ​របស់​ Soojin ត្រូវ​បាន​បង្ហោះ បងស្រី​របស់ម្ចាស់​សារ​ចោទ​ប្រកាន់​ Soojin ក៏​ចេញមុខ​ខំមិន​ “មែន យើងនឹងសរសារសំរាយឱ្យ​ បើសិន​នាង​មិន​ចាំ”៕

 

ប្រ​ភព៖  allkpop

(Number Of Views: 2,131 times)