Kang Daniel នឹង​វិល​វិញ​ជាមួយ​នឹង​អាល់​ប៊ុម​ទោល​វិល​វិញ​ដំបូងរបស់​គាត់​នៅ​ខែ​ក្រោយ​នេះ​!

នៅ​ថ្ងៃទី២១ ខែមករា ផលិតកម្ម Konnect Entertainment  បាន​បញ្ជាក់​ប្រាប់​សារ​ព័ត៌មាន​ជា​ច្រើន​ថា “បច្ចុប្បន្ន Kang Daniel កំពុង​ត្រៀ​ម​ខ្លួន​សម្រាប់​ការ​វិល​វិញក្នុង​ខែកុម្ភៈ​។ គាត់​កំពុង​មមាញឹក​នឹង​ដំណាក់​កាល​រៀប​ចំ​ខ្លួន​ចុង​ក្រោយ​សម្រាប់​ការ​វិល​វិញ​របស់​គាត់​”។​

នេះ​គឺជា​ការ​ចេញអាល់​ប៊ុម​ដំបូង​របស់ Kang Daniel បន្ទាប់​ពីគាត់​បាន​ស្ងប់​ស្ងាត់​រយៈ​ពេល ៧ ខែ ចាប់​តាំង​ពី​ចេញ ‘Magenta’ កាល​ពី​ខែសីហា ឆ្នាំ២០២០​។ ទន្ទឹម​នឹង​នេះ Kang Daniel  នឹង​សម្តែង​ក្នុង​ភាពយន្ត​ភាគ​ ‘Agent Blackjack K’ ចាក់​បញ្ចាំង​នា​ពេល​ខាង​មុខ​។ អ្នក​គាំទ្រ​ជា​ច្រើន​ក៏សង្ឃឹម​ថានឹង​ដឹង​តម្រុយ​ខ្លះពីបទ  ‘Yellow’ អំឡុង​ពេល​កម្មវិធី​ប្រគំ​តន្ត្រី​តាម​អន​ឡាញ ‘UNI-KON’ ធ្វើ​ឡើង​នៅថ្ងៃទី១៤ ខែកុម្ភៈ​៕

ប្រភព៖ allkpop

(Number Of Views: 101 times)