យោង​តាម​ផលិត​កម្ម YG Entertainment ឱ្យ​ដឹង​នៅ​ថ្ងៃទី១២ ខែមករា ថា អាល់​ប៊ុម​ដំបូង​របស់​ក្រុម​ចម្រៀង​ថ្មី​ទើប​រះ TREASURE ដែល​មាន​ចំណង​ជើ​ងថា ‘The First Step: Treasure Effect’  បាន​ឈរ​នៅ​កំពូល​តារាង​ចំណាត់​ថ្នាក់​អាល់​ប៊ុម​មួយ​ចំនួន​របស់ iTunes នៅ​ក្នុង​ ១៨ ប្រទេស​ផ្សេង​ៗ​គ្នា​បន្ទាប់​ពី​អាល់​​ប៊ុម​នេះ​បាន​ចេញមិន​យូរ​ប៉ុន្មាន​​។​

បន្ទាប់​ពី​វា​បានចេញ​នៅ​ថ្ងៃទី១១ ខែមករា ម៉ោង ៦ ល្ងាច​ម៉ោង​នៅ​កូរ៉េ​ អាល់​ប៊ុម​ដំបូង​របស់​ក្រុម​ចម្រៀង TREASURE បាន​រំកិល​ទៅ​ឈរ​នៅ​លេខ​រៀង​ទី១ លើ​តារាង​ចំណាត់​ថ្នាក់​អាល់​ប៊ុម​មួយ​ចំនួន​របស់ iTunes  ក្នុង​ប្រទេស​ផ្សេង​ៗ​ដូច​ជា Hong Kong, India, Thailand, Singapore, Spain និ​ងផ្សេង​ទៀត​ក្នុង​ ១៨ ប្រទេស​​។ មិន​ត្រឹម​តែ​ប៉ុណ្ណឹង​ បទ​ចម្រៀង​ក្រប​មុ​ខ​សម្រាប់​ការ​វិល​វិញ​របស់​កំលោះ​ទាំង​នេះ​មាន​ចំណង​ជើង​ថា “My Treasure” ក៏បាន​ជាប់​លេខ ១ នៅ​តារាង​ចំណាត់​ថ្នាក់​ចម្រៀង  AWA នៅ​ប្រទេ​សជប៉ុន​បន្ទាប់​ពី​ចេញ​ភ្លាម​។​

គ្រាន់​គិត​ត្រឹម​ខែ​មករា ថ្ងៃទី១១ តាម​សេចក្តីរាយការណ៍ មានការ​បញ្ជា​ទិញ​មុន​ជា​ច្រើនចំនួន​ជាង​ ​250,000 កូពី​សម្រាប់ ‘The First Step: Treasure Effect’ ដោយ​នេះ​មាន​ន័យ​ថា ក្រុម​នេះ​នឹង​ប្រហែល​ជា​អាច​បង្កើត​កំណត់​ត្រា​មួយ​ដោយ​ផ្ទាល់​នៅ​ក្នុង​សប្តាហ៍​លក់​ដំបូង​ជាមួយ​នឹង​អាល់​ប៊ុម​វិល​វិញ​នេះ​៕

ប្រភព៖ ព័ត៌មាន​កូរ៉េ​

(Number Of Views: 240 times)