ក្រុម (G)I-DLE ទើបបញ្ចេញអាល់​ប៊ុម​ទី៤ មាន​ឈ្មោះថា “I Burn” កាលពេលថ្មីៗ​នេះ ដោយមានបទ “HWAA” ជា​ចម្រៀង​ក្រប​មុខ។

អ្នក​គាំទ្រ​ជា​ច្រើន​រំភើប​ចំពោះ​ការវិល​វិញ​របស់​ (G)I-DLE ប៉ុន្ដែមានហ្វេន​ក្លឹប​មួយ​ដែល​បញ្ចេញពីអារម្មណ៍​ខក​ចិត្ត​។ នៅថ្ងៃទី១១ ខែមករា ហ្វេនក្លឹប​ចិន​របស់​​ Shuhua បានបង្ហោះសារដោយ​ស្រាប់​ថា​ពួកគេ​នឹង​មិន​ទិញអាល់ប៊ុម ​”I Burn” ឡើយ​ ព្រោះវគ្គដែល​​ Shuhua ច្រៀង​គឺ​មាន​មិនដល់​ ៤ វិនាទីផងក្នុងបទ “HWAA”។

ហ្វេនក្លឹបសរសេរថា៖

សួស្ដី ពួកយើងជាហ្វេនក្លឹបនៅចិនរបស់ Shuhua។ យើង​សុំទោល​ ប៉ុន្ដែយើងបាន​ប្រមូលមតិពីមនុស្សជាច្រើនសម្រាប់ការសម្រេចិត្ត​នេះ។ ចាប់​តាំង​ពី​បើក​ហ្វេនក្លឹបចិន​ យើងតែង​ជ្រោម​ជ្រែង​រាល់​សកកម្មភាព​របស់​ផលិត​កម្ម Cibe Entertainment ហើយតែង​ចូ​ល​រួម​ការ​ទិញ​គ្រប់អាល់ប៊ុ​ម​ដែល​បាន​បញ្ចេញ។ សូម្បីចូល​រួមសកម្មភាព​អំឡុង​ពេល​ពួកគេ​ប្រកាស​វិល​វិញ​ក៏​យើងមា​ន​ចំណែក ហើយ​ថែម​ទាំង​ធ្វើ​កម្មវិធី​ដើម្បី​ជំរុញឱ្យ​ហ្វេន​ចូល​រួម​ទិញ​អាល់​ប៊ុម​ទៀត​ផង​។ ប៉ុន្ដែលើក​នេះ យើង​មាន​ការ​ខក​ចិត្តយ៉ាង​ខ្លាំង​ពេលឮ Shuhua ច្រៀង​បានតែ ៣.៩ វិនាទីប៉ុណ្ណោះ ហើយ​ចេញ​មុខ​បាន​ ១៧ វិនាទី ក្នុង​វីដេអូចម្រៀ​ង​បទ “HWAA” ដែល​បាន​បញ្ចេញ​ក្នុង​វេលាម៉ោង ៥ល្ងាច នៅបេកាំង។ យើង​ជឿថា មុខ​ងារ​មួយ​ផ្នែករបស់​ផលិតកម្ម​គឺ​គួរ​ផ្ដោត​លើ​ Shuhua។ ជាង​នេះ​ទៅ​ទៀត ដោយ​ការ​សង្កេត វេន​ច្រៀង​របស់​ Shuhua គឺត្រូវ​បាន​បន្ថយ​តាំង​ពី​បទ ​”Oh My God” ម្ល៉េះ ហើយ​ហ្វេនក្លឹប​ចិន​របស់ Shuhua ក៏បាន​ខក​ចិត្ត​ចំពោះ​រឿង​នេះ​ដែរ​។ ហ្វេន​ក្លឹប​ចិនរបស់​ Shuhua នឹង​រុញ​ចោល​រាល់សកម្មភាព​ទៅលើ​អាល់​ប៊ុម​ទាំង​អស់​ ហើយ​ផ្ដោត​លើ​សកម្មភាព​ទោល​របស់​ Shuhua ជំនួស​វិញ​។ យើង​នឹង​ត្រលប់​ទៅផ្ដល់​ការ​គាំទ្រដល់​ក្រុម​ទាំង​មូល​ម្ដង​ទៀត​នៅ​ពេល​ឃើញ​ថា​ Shuhua អាច​បានចេញ​សកម្មភាព​ច្រើនជាងនេះ​។

រឿង​ខក​ចិត្ត​នេះមិន​មែន​កើត​ឡើងតែ​ចំពោះ​ហ្វេន​ក្លឹប​ចិន​ប៉ុណ្ណោះ សូម្បី​អ្នក​លេង​អ៊ី​នធឺ​ណេត​នៅកូរ៉េក៏ជួយ​គាំទ្រ​គំនិត​ប្រឆាំង​នេះ​ដែរ​ ព្រោះ​ពួកគេ​គិត​ថា​ ផ្នែក​ច្រៀង​ត្រឹមជិត ៤ វិនាទី គឺ​មិន​យុត្តិធម៌​ឡើយ​សម្រាប់ Shuhua៕

 

ប្រ​ភព៖  allkpop

(Number Of Views: 2,987 times)