ក្រុម GOT7 នឹង​ចាក​ចេញពីផលិ​តកម្ម JYP Entertainment។

យោងតាម​ព័ត៌មាន​ដែល​​ចេញ​ផ្សាយ​បាន​ឱ្យដឹង​ថា​ GOT7 ថ្មីៗទើប​បញ្ចប់​កុង​ត្រា​ជាមួយ​ផលិ​តកម្ម JYP Entertainment បន្ទាប់​ពី ៧ឆ្នាំ គិត​ចាប់​ពីចេញ​មុខ​ជា​ផ្លូវ​ការ​កាលពីឆ្នាំ ២០១៤។

ការ​បង្ហាញ​ខ្លួន​ក្នុ​ង​ព្រឹត្តិការណ៍ Golden Disc Awards ឆ្នា ២០២១ គឺ​ជា​សកម្មភាព​ចុង​ក្រោយ​ដែល GOT7 នៅជា​ផ្នែក​មួយ​របស់​ផលិត​កម្ម JYP។

កា​លពី​មួយ​រយៈ​មុន​ ផលិត​កម្ម JYP បាន​ប្រកាស​៖​ “យើង​កំពុង​ពិភាក្សាបន្ត​កុង​ត្រា​ជាមួយ​សមាជិក​ទាំង​អស់​ ហើយ​យើ​ងនឹង​ចេញ​ប្រកាសផ្លូវ​ការពេលគ្រប់យ៉ាង​សម្រេច​រួ​ច។ បើទោះ​បីសមាជិក​មួយ​ចំនួន​មានគោល​បំណង​បន្ត​កុង​ត្រា​ក៏​ពិតមែន​ ប៉ុន្ដែពួកគេ​នៅប្រាប់​ថា​ បើសិន​មិន​មែន​ជា​ក្រុម ការ​បន្ត​កុង​ត្រា​នឹង​មិន​អាច​ទៅ​រួច​ឡើយ​“។

យោង​តាមសារព័តមាន​បាន​ប្រាប់​ថា​៖ “GOT7 មាន​ចំណង​ស្អិតល្មួតណាស់។ យើងបានប្រមូលមតិចំពោះ​គំនិត​ដែលឱ្យ​សមាជិក​ទាំងអស់​អាចបន្ត​នៅ​ជាមួយ​គ្នា​ ប៉ុន្ដែការសម្រចគឺត្រូវ​បែង​ជាមួយ​ខាង​ផលិត​កម្ម​ដែរ​។ ក្រោយ​ជួបពិភាក្សា​គ្នាច្រើន​ដង​ជាមួយ​ផលិត​កម្ម ចុង​ក្រោយ​ពួកគេបាន​សម្រេច​ចិត្ត​ចែក​ផ្លូវ​គ្នា“។

បន្ទាប់​ពីព័ត៌មាន​រន្ធត់​នេះ​បាន​ចេញផ្សាយ អ្នកគាំទ្រ​ជា​ច្រើន​កំពុងតូចចិត្ត និងចង់ដឹងពីអាជីព​អនាគតរបស់​សមាជិក​ម្នាក់ៗ។

Jinyoung សមាជិក​ដំបូង​ដែល​លេចឮពាក្យ​ចចាមអារ៉ាម​ផ្លាស់ប្ដូរជម្រក ពេល​នេះកំពុងពិភាក្សាកិច្ចសន្យាជាមួយ​ផលិត​កម្ម BH Entertainment ហើយ​មើល​ទៅ Jinyoung នឹង​បន្ត​អាជីពជាតារាសម្ដែងឆាប់ៗនេះ។

Yugyeom ក៏​លេចឮថា​នឹង​ចុះ​កុង​ត្រា​មួយ​ AOMG ដែល​ជា​ផលិ​តកម្ម​គ្រប់​គ្រង​ដោយ Jay Park (អតីតសមាជិក​ក្រុម 2PM)។

Youngja ទទួលបាន​ទូរសព្ទ​ពី Sublime Artist។ ផលិត​កម្ម​នេះជា​ជម្រករបស់​ Song Kang Ho, Rain, Hani និង​ច្រើន​ទៀត។

JB ទទួលបាន​ទូរសព្ទ​ពីផលិត​កម្ម Hip-Hop ជា​ច្រើន​ ហើយ​ប្រធាន​ក្រុម​ GOT7 រូប​នេះ​នឹង​ជ្រើស​រើស​ផលិត​កម្ម​ណា​ដែល​អាច​ជ្រោម​ជ្រែងឱ្យ​គេ​ប្រកប​អាជីព​ជាតារា​ចម្រៀ​ងទោល​។

Jackson នឹង​ប្រូម៉ូត​ទាំ​ង​ក្នុងប្រទេស​កូរ៉េ​ ទាំងចិន​ ដោយ​ស្ថិត​ក្រោម​ការ​គ្រប់​គ្រង​របស់​ផលិត​កម្ម​ដែល​គេ​ជា​អ្នកបង្កើត​ផ្ទាល់​ ឈ្មោះ Team Wang។

ចំណែក​ BamBam នឹង​ចេញ​ប្រម៉ូត​ទាំងក្នុង​កូរ៉េ និង​ថៃ។ បច្ចុប្បន្ន​ គេ​កំពុង​ពិភាក្សា​កុង​ត្រា​ជាមួយ​ Makues Entertainment។

ចុង​ក្រោយ​គឺ Mark ដែល​មានគម្រោងត្រលប់ទៅសហរដ្ឋអាមេរិក​វិញ​។ គេ​ចង់​ចំណាយ​ពេល​ជាមួយ​គ្រួ​សារនៅ L.A មួយ​រយៈ​សិន​ ហើយ​គម្រាប់​បន្ទាប់​ គឺ​បើក​អាខោន​ YouTube ផ្ទាល់​ខ្លួន​មួយ​។ សមាជិក​រូប​នេះក៏​នៅ​តែមា​ន​គម្រោង​ចេញ​ចម្រៀង​នៅសហរដ្ឋ​អាមេរិកដែរ​៕

 

ប្រ​ភព៖  koreaboo

(Number Of Views: 1,956 times)