នៅ​ថ្ងៃទី២៦ ខែវិច្ឆិកា នេះ អតីត​សមាជិក​ក្នុង​ក្រុម U-KISS លោក Eli បាន​ផ្ញើ​សារ​ជូន​ដំណឹង​ដល់​អ្នក​គាំទ្រ​ទាំង​អស់​តាម​រយៈ​គណនី​បណ្តាញ​សង្គម​អន​ឡាញ​ផ្ទាល់​ខ្លួន​របស់​គាត់​។​ គាត់​បាន​សរសេរ​ថា៖

“សួស្តី​ទាំង​អស់​គ្នា​ ឆ្នាំ២០២០ ជា​ឆ្នាំ​ដ៏តាន​តឹង​សម្រាប់​យើង​។ ខ្ញុំ​មាន​ដំណឹង​ចង់​ប្រាប់​អ្នកទាំង​អស់​គ្នា…ប្រពន្ធរបស់​ខ្ញុំ​ និងខ្ញុំបាន​សម្រេច​​ចិត្ត​ចែក​ផ្លូវ​គ្នា​ហើយ​។ បច្ចុប្បន្ន​ ខ្ញុំ​រស់​នៅ​សហ​រដ្ឋ​អាមេរិក​ ហើយ Michael កំពុង​ស្នាក់​នៅ​ជាមួយ​នឹង​ម្តាយ​របស់​គាត់​នៅ​កូរ៉េ​។ ទោះ​ខ្ញុំ​មិន​អាច​ជួប Michael  នៅ​ពេល​នេះ ខ្ញុំ​នឹង​ទៅ​ជួប​គាត់​នៅ​ពេល​ណា​ដែល​ខ្ញុំ​អាច​លៃ​ពេល​បាន​ និង​ព្យាយាម​ធ្វើ​ជា​ឪពុក​ដ៏ល្អ​ក្នុង​ដួង​ចិត្ត​គាត់​។ ខ្ញុំ​មិនដឹង​ថា អនាគត​នឹង​ជា​យ៉ាង​ណា​ ប៉ុន្តែ​ខ្ញុំ​សូម​បួង​សួង​ឱ្យ Michael និង​ម្តាយ​របស់​គាត់​រីក​រាយ​។ យើង​ពិតជា​ដឹង​គុណអស់​ពី​ដួង​ចិត្ត​នូវ​ការ​គំាំទ្រ​របស់​អ្នក​រយៈ​ពេល​ច្រើន​ឆ្នាំ​កន្លង​ទៅនេះ​​ ហើយ​ខ្ញុំ​សូម​ទោស​ដែល​រឿង​រ៉ាវ​វា​បញ្ចប់​ទៅ​បែប​នេះ​”។​

គួរ​រំលឹក​ផង​ដែរ​ Eli និង​ Ji Yeon Soo  បាន​រៀប​ការ​ជាមួយ​គ្នា​ក្នង​ខែមិថុនា ឆ្នាំ២០១៤ ដោយ​ទទួល​បាន​ការ​ចាប់​អារម្មណ៍​ខ្លាំង​ដោយ​ព្រោះ​គំលាត​អាយុ​ខុស​គ្នា​ដល់​ទៅ ១១ ឆ្នាំ​រវាង​ពួក​គេ​។ ក្នុង​ឆ្នាំ២០១៦ Ji Yeon Soo ប្រសូត្រ​បាន​បុត្រ​មួយ​។ ក្រោយ​មក អ្នក​ទាំង​ពីរ​បាន​ចែក​រំលែក​ពី​ការ​រស់​នៅ​របស់​ពួក​គេ​នៅ​កម្មវិធី ‘Dongchimi’ របស់​ទូរទស្សន៍ MBN។

ប្រភព៖ allkpop

(Number Of Views: 410 times)