សារព័ត៌​មាន​ Daily Sports បាន​ចេញ​ផ្សាយ​ថា​ លោក Lee Soo Mna ដែលជា​ម្ចាស់​ផលិ​តកម្ម SM Entertainment ផ្ដល់​ចំណាប់​អារម្មណ៍​យ៉ាង​ខ្លាំង​ទៅលើ​ក្រុម LOONA ដល់​ថ្នាក់​គ្រប់​គ្នា​សង្ស័យ​ថា​ គាត់​គ្រោង​នឹង​បណ្ដាក់​ទុន​ធំ​ទៅលើ​ក្រុម​ចម្រៀង​នារីមួយ​នេះ។ យោង​តាម​ប្រភព​ព័ត៌​មាន​ចេញ​ពី​ឧស្សាហកម្ម​តន្រ្ដី​បាន​ប្រាប់​ឱ្យ​ដឹង​ថា លោក Lee Soo Man បាន​មានចំណែកក្នុង​ប្រាក់​ចំណូល​របស់​ផលិត​កម្ម Blockberry Creative។ លើស​ពី​នេះ​ ព័ត៌មាន​ក៏​បាន​បញ្ជាក់​ទៀត​ផង​ដែរ​ថា Lee Soo Man បាន​សម្រេច​ចិត្ត​ចំណាយ​ដើម​ទុក​ផ្ទាល់​ខ្លួន​ប្រមាណ ១ពាន់​លាន ក្នុង​ការបណ្ដាក់​ទុក​។

ជា​ការ​ឆ្លើយ​តប​ទៅនឹង​ព័ត៌​មាន​នេះ តំណាង​មក​ពី​ផលិត​កម្ម SM បាន​ចេញ​មុខ​ប្រាប់​ក្រុម​សារព័ត៌​មាន​ថា “របាយ​ការណ៍​ដែល​ចេញ​ផ្សាយ​ពី​ការ​បណ្ដាក់​ទុក​របស់​លោក Lee Soo Man គឺ​ជាគ្រាន់​តែ​ជាព័ត៌​មាន​គ្មាន​មូល​ដ្ឋានប៉ុណ្ណោះ“។ ប៉ុន្តែ​ការ​មិន​អស់​ចិត្ត​នៅតែ​កើ​ត​មាន​ ហើយ​បើ​យោង​តាមរបាយ​ការណ៍​ដែល​ចុះ​បាន​ឱ្យដឹង​ទៀតថា បច្ចុប្បន្ន​ ភាគី​ទាំង​សង​ខាង​ (Lee Soo Man និង Blockberry) កំពុង​ដំណើរ​ការ​ការ​បណ្ដាក់​ទុន។

 

LOONA គឺ​ជា​ក្រុម​ចម្រៀង​នារី​ដែល​មាន​សមាជិក​ ១២នាក់​ ហើយ​ត្រូវ​បាន​បង្កើត​ឡើង​ដោយ​ផលិតកម្ម Blockberry Creative។ LOONA ចេញច្រៀង​ជាផ្លូវ​ការ​នៅ​ខែសីហា​ ឆ្នាំ២០១៨ ហើយ​មុន​ពេល​ពួក​គេ​ចេញ​ចម្រៀង​ជា​ផ្លូវ​ការ​ សមាជិក​ម្នាក់​ៗ​ត្រូ​វ​បាន​គេ​ស្គាល់​តាមរយៈ​ការ​ចេញជា Solo និ​ងក្រុមតូចៗ ដែល​វា​ជា​ហេតុ​​​ធ្វើ​ឱ្យ​ LOONA មាន​ក្រុម​អ្នក​គាំទ្រ​អន្តរ​ជាតិ​ច្រើន​។ ដោយ​ឡែក​ ពាក្យ​ចរចាម​អារ៉ាម​នៃ​ការ​បណ្ដាក់​ទុន​របស់​លោក Lee Soo Man ទៅលើ​ក្រុម LOONA ត្រូវ​សាយ​ភាយ​ឡើង​កាល​ពី​មួយ​រយៈ​មុន​នេះ គឺ​ជា​ពេល​ដែល​អាល់ប៊ុម​ឈ្មោះ  “#” ត្រូវ​បាន​បញ្ចេញ​ ដោយ​មាន​ Lee Soo Man ចូល​រួម​ចំណែក​ក្នុង​ការ​ផលិត​៕

 

ប្រភព៖  soompi

(Number Of Views: 471 times)