បី​បួន​ថ្ងៃ​កន្លង​ទៅ​​ មាន​ស្ត្រី​ម្នាក់​ឈ្មោះ Britney បាន​បង្ហោះ​រូប​ថត​មួយ​សន្លឹក​ដែល​នាង​បាន​ថត​ជាមួយ​នឹង​ Hawick Lau (劉愷威) នៅ​លើបណ្តាញ​សង្គម​អន​ឡាញ​។ ពេល​ដែល​អ្នក​ប្រើ​ប្រាស់​អ៊ីន​ធឺណេត​ម្នាក់​បាន​លើក​មកនិយា​យ​ពី​ប្រពន្ធ​របស់​គាត់​ឈ្មោះ Yang Mi (楊冪) នៅ​ក្នុង​ការ​បញ្ចេញ​មតិ​មួយ​ Britney បាន​តប​ទៅ​នឹង​ការ​បញ្ចេញ​មតិ​នោះ​ថា​ប្តី​ប្រពន្ធ​នេះ​បាន​លះ​លែង​គ្នា​រយៈ​ពេល ២ ឆ្នាំ​ហើយ​។ 

គួរ​រលឹក​ផង​ដែរ​ ពាក្យ​ចចាម​អារ៉ាម​សង្ស័យ​ថា​ Hawick និង​ Yang Mi បាន​លះ​លែង​គ្នានេះ​​ត្រូវ​បាន​គេ​និយាយ​តៗ​គ្នា​អស់​រយៈ​ពេល​ជិត ១ ឆ្នាំ​ហើយ​។ កាល​ពីថ្ងៃទី១២ ខែ​កញ្ញា គឺជា​ថ្ងៃ​ខួប​កំណើត​របស់ Yang Mi អ្នក​នាង​ Yang Mi បាន​បង្ហោះ​រូប​ថត​មួយ​សន្លឹក​ដែល​បាន​ថត​ជាមួយ​នឹង​មិត្ត​ភ័ក្តិ​មួយ​ចំនួន​របស់​នាង​ក្នុង​បណ្តាញ​សង្គម​អន​ឡាញ​ ប៉ុន្តែ Hawick មិន​បាន​បញ្ចេញ​មតិ​អ្វី​ ឬផ្ញើ​សារ​ជូន​ពរ​នាង​នៅ​ថ្ងៃ​ខួប​កំណើត​សោះ​។ ការ​ឆ្លើយ​ឆ្លង​គ្នា​រវាង Hawick និង​ Yang Mi នៅ​ក្នុង​បណ្តាញ​សង្គម​អន​ឡាញ​មាន​បន្តិច​បន្តួច​រហូត​ដល់​គ្មាន​សោះ​ ហើយ​ប្តី​ប្រពន្ធ​មួយ​គូ​នេះ​តែង​តែ​មិន​បញ្ចេញ​មតិ​អ្វី​តប​នឹង​ពាក្យ​ចចាម​អារ៉ាម​លែង​លះ​គ្នា​វិញ​ទេ​នៅ​ពេល​ដែល​គេ​សុំ​ឱ្យ​ពួក​គេ​បញ្ចេញ​មតិ​ខ្លះ​ពីរឿង​នេះ​។ ឮ​ថា​ពួក​គេ​ចង់​រក្សា​ភាព​ផ្អែម​ល្ហែម​ជាមួយ​គ្នា​ដោយ​ព្រោះ​តែ​ការ​ថត​ស្ប៉ត​ពាណិជ្ជកម្ម​ជាមួយ​គ្នា​។​

ទោះ​ជា​យ៉ាង​ណា Hawick បាន​តប​ទៅ​នឹង​ការ​អះ​អាង​ដ៏​ម៉ឺង​មាត់​របស់ Britney វិញ​។ បុគ្គលិក​ម្នាក់​ពី​ស្ទូឌីយ៉ូ​ផលិតរឿង​របស់ Hawick បាន​ប្រាប់​សារ​ព័ត៌មាន​ថា “Hawick មិន​ស្គាល់​ស្ត្រី​ម្នាក់​នេះ​ទេ​។ រូប​ថត​នោះ​បាន​ថត​ពេល​គាត់​កំពុង​ថត​រឿង​។ បុគ្គលិក​នៅ​ស្ឌូឌីយ៉ូ​បាន​នាំ​ស្ត្រី​ម្នាក់​នោះ​មក​ជួ​ប​នឹង​ Hawick ពី​ព្រោះ​នាង​ចង់​ថត​រូប​ជាមួយ​នឹង​គាត់​។ Hawick បាន​បង្ហាញ​ការ​គួរ​សម​។ អ្នក​ទាំង​ពីរ​អត់​មាន​ការ​និយាយ​ឆ្លើយ​ឆ្លង​គ្នា​ច្រើន​ទេ​។ យើង​មិនដឹង​ហេតុ​អ្វី​នាង​បាន​បញ្ចេញ​មតិ​អះ​អាង​យ៉ាង​ហ្មត់​ចត់​ពី​រឿង​នេះ​នៅ​លើ​បណ្តាញ​សង្គម​ដូច្នេះ​ទាល់​តែ​សោះ​។​ ពេល​យើង​បាន​ដឹង​រឿង​នេះ យើង​បាន​ចូល​ទៅ​កាន់​គណនី​ Weibo របស់​នាង​ ហើយ​យើង​អត់​ឃើញ​ការ​បញ្ចេញ​មតិ​នោះ​ទៀត​ទេ​ ព្រោះ​នាង​បាន​លុប​វា​ចោល​វិញ​ហើយ​”៕

ប្រភព៖ jaynestars

(Number Of Views: 712 times)