កាល​ពី​ថ្ងៃទី៣០ ខែមិថុនា សេចក្តីរាយការណ៍​ផ្តាច់​មុខ​មួយ​បាន​អះ​អាង​ថា​ G-Dragon សមាជិក​ក្រុម​ចម្រៀង Big Bang ត្រូវ​បាន​គេ​បង្ខំ​ឱ្យ​ចាក​ចេញ​ពី​បន្ទប់​ព្យាបាល​ជំងឺ​នៅ​មន្ទីរ​ពេទ្យ​របស់​គាត់​ដែល​ស្ថិត​នៅ​មន្ទីរ​ពេទ្យ​ទាហាន​ឈ្មោះ Yangzhou Armed Forces Hospital។

សេចក្តីរាយការណ៍​នេះ​បាន​និយាយ​ថា​ G-Dragon ត្រូវ​បាន​គេ​បញ្ជូន​ទៅ​​បន្ទាយ​យោធា​​របស់​គាត់​វិញ​ដែល​ស្ថិត​នៅ Chulwon  កាល​ពីថ្ងៃទី២៩ ខែមិថុនា​ ដោយ​គ្មាន​ការ​ព្រម​ព្រៀង​ពី​សាមីុ​ខ្លួន​ ឬ​អ្នក​ដែល​ទទួល​ខុស​ត្រូវ​មើល​ថែ​គាត់​នោះ​ឡើយ​។ ដើម្បី​ជា​ការ​ឆ្លើយ​តប​ទៅ​នឹង​ការ​អះ​អាង​នេះ អ្នក​នាំ​ពាក្យ​ប៉ុន្មាន​នាក់​ពី Yangzhou បាន​លើក​ឡើង​ដោយ​សាមញ្ញ​ថា​ “សូម​សួរ​ព័ត៌មាន​លម្អិត​ជាក់​លាក់​ពី​ក្រសួង​ការ​ពារ​ជាតិ​។ ប៉ុន្តែ​ បច្ចុប្បន្ន​ សារ​ព័ត៌មាន​ពុំ​អាច​​ទាក់​ទង​សុំ​ការ​បំភ្លឺ​ពី​មន្ត្រី​នៅ​ក្រសួង​ការ​ពារ​ជាតិ​បាន​ឡើយ​។

កាល​ពី​ថ្ងៃទី២៥ ខែមិថុនា លោក G-Dragon បាន​ជាប់​ពាក់​ព័ន្ធ​នឹង​រឿង​ចម្រូង​ចម្រាស​អំពី​ការ​ទទួល​បាន​សេវា​កម្ម​ព្យាបាល​ពិសេស​ជាង​គេ​ខណៈ​កំពុង​ទទួល​ការ​វះ​កាត់​ព្យាបាល​ក្បាល​ជង្គង់​របស់​គាត់​។ បើ​ទោះ​បី​ទាំង​ខាង​ផលិតកម្ម​របស់​គាត់​ និង​មន្ត្រី​នៅ​ក្រសួង​ការ​ពារ​ជាតិ​បាន​ច្រាន​ចោល​ពាក្យ​ចចាម​អារ៉ាម​ពី​ការ​ទទួល​បាន​សេវា​កម្ម​ពិសេស​នេះ​ថា​ជា​រឿង​មិន​ពិត​ សេចក្តីរាយការណ៍​ព័ត៌មាន​បន្ថែម​នៅ​តែ​បន្ត​ឯក​ភាព​ថា​តារា​ចម្រៀង G-Dragon ពិត​ជា​ទទួល​បាន​សេវាកម្ម​ព្យាបាល​ពិសេស​ជាង​គេ​ប្រាកដ​មែន​។

ទន្ទឹម​នឹង​នេះ ថ្មីៗ​នេះ​បុគ្គល​ក្នុង​យោធា​ម្នាក់​ក៏​បាន​ជាប់​ពាក់​ព័ន្ធ​នឹង​រឿង​ចម្រូង​ចម្រាស​នេះ​ដែរ​ដោយ​បាន​ជ្រៀតជ្រែក​ខ្លាំង​ក្នុង​រឿង​ឯក​ជន​របស់​ G-Dragon។ យោង​តាម​សម្តី​មនុស្ស​មួយ​ចំនួន បុគ្គល​ក្នុង​យោធា​ដែល​គេ​កំពុង​លើក​យក​មក​ជជែក​គ្នា​នេះ​បាន​រក្សា​ទុក​នូវ​ព័ត៌មាន​លម្អិត​ពី​រាល់​សកម្ម​ភាព​​ប្រចាំ​ថ្ងៃ​​​របស់​លោក G-Dragon បន្ទាប់​មក ចែក​រំលែក​ព័ត៌មាន​ទាំង​នេះ​ទៅ​ឱ្យ​អ្នក​ដែលគាត់​​ស្គាល់​ក្នុង​បំណង​ឱ្យ​គេ​ដឹង​ទាំង​​អស់​គ្នា​៕

ប្រភព៖ allkpop

(Number Of Views: 374 times)