អ្នក​ប្រើ​ប្រាស់​អ៊ីន​ធឺណេត​ជា​ច្រើន​បាន​ធ្វើ​ការ​បោះ​ឆ្នោត​ជ្រើស​រើស​តារា​ចម្រៀង​ដែល​ធំ​ដឹង​ក្តី​ជាង​គេ​ចាប់​តាំង​ពី​ពួក​គេ​បាន​លេច​មុខ​ក្នុង​សិល្បៈ​ដំបូង​! ចាប់​ពីថ្ងៃទី១១ ខែមិថុនា ដល់​ថ្ងៃទី២៥ ខែមិថុនា ការ​ស្ទង់​មតិ​ដ៏​រីករាយ​មួយ​ឈ្មោះ ‘តារា​ចម្រៀង​ដែល​ធ្វើ​ឱ្យ​អ្នក​គាំទ្រ​ជាច្រើន​មាន​មោទនភាព​នឹង​ការ​ផ្លាស់ប្តូរ​រូប​រាង​ដ៏អស្ចារ្យ​’ ត្រូវ​បាន​ធ្វើ​ឡើង​ក្នុង​កម្មវិធី​តាម​ទូរសព្ទ​ដៃ​ដែល​មាន​ឈ្មោះថា ‘IDOLCHAMP’។

ចំណាត់​ថ្នាក់​លេខ ៤ បាន​ទៅ Samuel Kim ដោយ​ទទួល​បាន​សម្លេង 5.61%។ មុន​ការ​ផ្សព្វ​ផ្សាយ​ចម្រៀង​ទោល​ និង​ការ​ចូល​រួម​ក្នុង​កម្មវិធី ‘Produce 101’ របស់​គាត់​ Samuel ត្រូវ​បាន​គេ​ស្គាល់​ថា​ជា​តារា​ចម្រៀង​រ៉ែប​វ័យ​ក្មេង​ដ៏​សង្ហា​ម្នាក់​ក្នុង​ក្រុម 1PUNCH។

ចំណាត់​ថ្នាក់​លេខ ៣ បានទៅ Taemin សមាជិក​ក្រុម​ចម្រៀង SHINee ដោយ​ទទួល​បានសម្លេង​ 8.46% ។ តារា​ចម្រៀង​រូប​នេះ​បាន​លេច​មុខ​ក្នុង​សិល្បៈ​ដំបូង​តាំង​ពី​អាយុ ១៦ ឆ្នាំ​ និង​បាន​ធំ​ពេញ​វ័យ​ក្លាយ​ជា​បុរស​វ័យ​ក្មេង​ដ៏​សង្ហា​ម្នាក់​បាន​ទាំង​សម្រស់​ និង​ទេពកោសល្យ​។

ចំណាត់​ថ្នាក់​លេខ ២ បាន​ទៅ Jungkook សមាជិក​ក្រុម BTS ដោយ​ទទួល​បានសម្លេង 36.05% នៃ​សម្លេង​សុរប​។ Jungkook ក៏​បាន​បង្ហាញ​ខ្លួន​ក្នុ​ងសិល្បៈ​ដំបូង​នៅ​អាយុ ១៥ ឆ្នាំ​។ ពិត​ណាស់​ កូន​ពៅ​មាស​របស់​យើង​បាន​ផ្លាស់​ប្តូរ​រូប​រាង​ពី​ក្មេង​ដ៏​ស្រស់​ស្អាត​គួរ​ឱ្យ​ស្រឡាញ់​ទៅ​ជា​កំលោះ​ដ៏សិច​ស៊ី​ម្នាក់​។

ក្នុង​ចំណោម​បេក្ខភាព​ខាង​លើ​នេះ Ren សមាជិក​ក្រុម NU’EST’ ទទួល​បាន​ចំណាត់​ថ្នាក់​លេខ ១ ដោយ​ទទួល​បាន​សម្លេង 39.06% នៃ​សម្លេង​សរុប​។ Ren ក៏ត្រូវ​បាន​គេ​ស្គាល់​ថា​ជា​កំលោះ​មាន​មុខ​ដូច​នារី​យ៉ាង​ស្រស់​ស្អាត​តាំង​ពី​គាត់​បាន​បង្ហាញ​ខ្លួន​ក្នុង​សិល្បៈ​ដំបូង​។ ដោយ​មាន​គំនិត​ដូច្នេះ អ្ន​ក​ប្រាស់​អ៊ីន​ធឺណេត​ជា​ច្រើន​ភ្ញាក់​ផ្អើល​នឹង​ការ​ផ្លាស់​ប្តូរ​រូប​រាង​របស់​គាត់​ក្លាយ​ទៅ​ជា​កំលោះ​ដែល​មាន​បុគ្គលិក​លក្ខណៈ​សម​ជា​បុរស​ដែល​អាច​ឃើញ​ក្នុង​ការ​ផ្សព្វ​ផ្សាយ​អាល់​ប៊ុម NU’EST W’ ក្រោយ​បង្អស់​។​

ចុះ​ប្រិយ​មិត្ត​វិញ​គិត​ថា​តារា​ចម្រៀង​រូប​ណា​ដែល​ផ្លាស់​ប្តូរ​រូប​រាង​អស្ចារ្យ​ជាង​គេ​តាំង​ពី​ពួក​គេ​បង្ហាញ​ខ្លួន​ក្នុង​សិល្បៈ​ដំបូង​?

ប្រភព៖ allkpop

(Number Of Views: 1,878 times)