កន្លងមក មានពាក្យចចាមអារ៉ាមជាច្រើនដែលលេចឮពីទូរសព្ទត្រកូលអាយហ្វូន (iPhone) របស់ក្រុមហ៊ុនអែបផល (Apple) ដែលគ្រប់គ្នាកំពុងតែទន្ទឹងចាំចង់បាន​យក​មក​កាន់​ប្រើ​ក្នុង​ដៃ​យ៉ាង​អន្ទះ​សា ខណៈ​ដែល​អ្នក​ខ្លះ​ទៀត​​កំពុង​​តែ​​ប្រវេ​​ប្រវា​​ព្រោះ​លុយ​មាន​មិន​ទាន់​គ្រប់​ ចំណែក​ទូរសព្ទ​ស៊េរី​ចាស់​ក៏​លក់​មិន​ទាន់​ចេញ​។ ខាង​ក្រោម​នេះ​ជា​ព័ត៌​មាន​ចុង​ក្រោយ​បំផុត​ដែល​យើង​បាន​ដឹង​អំពី​អាយហ្វូន សេវិន (iPhone 7) ៖

១១. ក្រុមហ៊ុនអែបផល នឹង​ធ្វើ​ការ​ប្រកាស​បង្ហាញ​ទូរសព្ទ​ម៉ាក​អាយហ្វូន សេវិន (iPhone 7) របស់​ខ្លួន​ជា​ផ្លូវ​ការ​នៅ​ថ្ងៃ​ទី៧ ខែកញ្ញា សប្តាហ៍​ក្រោយ​នេះ​ហើយ។

២

២. ទូរសព្ទអាយហ្វូន ដែល​ក្រុម​ហ៊ុន​អែបផល នឹង​ដាក់​បង្ហាញ​នោះ​ប្រហែល​ជា​អាច​មាន​ឈ្មោះ​ជា​ផ្លូវ​ការ​ថា អាយហ្វូន សេវិន (iPhone 7)។

៣

៣. អាយហ្វូន សេវិន (iPhone 7) នេះ​ប្រហែល​ជា​នឹង​ត្រូវ​ក្រុម​ហ៊ុន​ផលិត​ជា​ពីរ​ម៉ូត​​មាន​ទំហំ​អេក្រង់​ខុស​គ្នា​​ដោយ​មួយ​មាន​អេក្រង់​ទំហំ ៤,៧ អិញ និង​មួយ​ទៀត​មាន​អេក្រង់​ទំហំ ៥,៥ អិញ។

៤

៤. អាយហ្វូន សេវិន (iPhone 7) នេះ​នឹង​មាន​ទ្រង់​ទ្រាយ​​រូបរាង​មើល​​ទៅ​ដូច​គ្នា​ខ្លាំង​ទៅ​នឹង​អាយហ្វូន សិក្សអែស (iPhone 6S) ដែល​បាន​ចេញ​កាល​ពី​ឆ្នាំ​មុន​ដែរ។

៥

៥. ក្រុមហ៊ុនអាចនឹង​បង្ហាញ​អាយហ្វូន សេវិន (iPhone 7) ពណ៌​ខៀវ​ចាស់ (Deep blue) ដែល​ជា​ពណ៌​ថ្មី និង​មាន​អង្គ​ផ្ទុក​ទិន្ន​ន័យ​ចាប់​ពី ៣២ ជី (GB) ឡើង​ទៅ។

៦

៦. ទាំងអាយហ្វូន សេវិន (iPhone 7) ម៉ូឌែល “ភ្លឺស Plus” ឬ “ផ្រូ Pro” កាមេរ៉ា​របស់​វា​នឹង​មាន​ឡែនស៏ (Lens) ពីរ។

៧

៧. កាមេរ៉ាអាយហ្វូន សេវិន (iPhone 7) ម៉ូឌែល​ដែល​មាន​អេក្រង់​ទំហំ ៤,៧ អិញ​ក៏​នឹង​មាន​សមត្ថភាព​ខ្ពស់​ដែរ ព្រោះ​តាម​រូប​ភាព​បែក​ធ្លាយ​បង្ហាញ​ឱ្យ​ឃើញ​ថា​កាមេរ៉ា​របស់​វា​មាន​ឡែនស៏ (Lens) ធំ​។

៨

៨. ម៉ូឌែលទាំងពីរខាង​លើ​នឹង​មើល​ទៅ​ដូច​ទៅ​នឹង ​អាយហ្វូន សិក្ស (iPhone 6) និងអាយហ្វូន​អែស (iPhone 6S) ដូច​គ្នា​។

៩

៩. អាយហ្វូន សេវិន (iPhone 7) នេះ​ប្រហែល​ជា​នឹង​លែង​មាន​រន្ធ​ដោត​កាស​ដូច​មុន​តែ​ម្តង ព្រោះ​ក្រុម​ហ៊ុន​នឹង​ជំនួស​ដោយ​ស្ពីកឃឺរ (Speaker) មួយ​ទៀត​។

១០

១០. បើចង់ស្តាប់តន្ត្រីត្រូវតែ​ប្រើ​កាស​ប្លូធូស (Bluetooth) ហើយ​មើល​ទៅ ព្រោះ​ក្រុម​ហ៊ុន​ក៏​បាន​ផលិត​ជា​កាស​គ្មាន​ខ្សែ​ហើយ​ជា​ស្រេច​ផង​ដែរ។

១១. បើមិនដូចចំណុចលេខ ១០ ខាង​​លើ​ទេ ក្រុម​ហ៊ុន​ប្រហែល​ជា​នឹង​ផលិត​រន្ធ​មួយ​ដែល​អាច​ប្រើ​បាន​ទាំង​សាក​ថ្ម និង​ដោត​កាស​ស្តាប់​ចម្រៀង​បាន​ដែរ​ហើយ​មើល​ទៅ។

១២

១២. ប៊ូតុងមូលៗនៅផ្នែក​ខាង​ក្រោម​ដែល​គេ​ហៅ​ថា​ជា “ហូម ប៊ូតុង Home Button” ប្រហែល​ជា​នឹង​ត្រូវ​រចនា​ជា​ថ្មី​ដោយ​ប្រើ​បច្ចេក​វិទ្យា​ស្រ៊ីឌី ថាច់  (3D Touch) ។

១៣

១៣. ក្រុមហ៊ុនអែបផលនឹង​ប្តូរ​បន្ទះ​ឈីប​ (Chip) ថ្មី​ដែល​អាច​ធ្វើ​ឱ្យ​ទូរសព្ទ​ដំណើរ​ការ​បាន​លឿន​។ ឈីប ថ្មី​នោះ​ឈ្មោះ “អេថិន A10”  ហើយ​ក៏​ជា​ឈីប​ដែល​កំពុង​តែ​មាន​អានុ​ភាព​ជាង​គេ​ប្រចាំ​ក្រុម​ហ៊ុន​ផង​ដែរ។

១៤

១៤. អាយហ្វូន សេវិន (iPhone 7) អាច​នឹង​មាន​ថ្ម​ចំណុះ​ធំ​ជាង​ស៊េរី​មុនៗ​ដែល​អាច​ឱ្យ​អ្នក​ប្រើ​ប្រាស់​ប្រើ​បាន​យូរ​ជាង​មុន​ផង​ដែរ។

១៥

១៥. អាយហ្វូន សេវិន (iPhone 7) ប្រហែល​ជា​នឹង​មាន​សមត្ថ​ភាព​ខ្ពស់​ដោយ​មិន​ជ្រាប​ទឹក​នោះ​ទេ។

១៦

១៦. ឆ្នាំមុន អាយហ្វូន ចាប់​ផ្តើម​លក់​ក្នុង​តម្លៃ​ពី ៦៥០ ដុល្លារ​ឡើង​ទៅ​។ ឆ្នាំ​​នេះ​វិញតម្លៃ​ក៏​ប្រហែល​ជា​ចាប់​ពី ៦៥០ ឡើង​ទៅ​ដូច​គ្នា​ដែរ​។ តែ​ម៉ូឌែល​ខ្ពស់​បំផុត​របស់​អាយហ្វូន សេវិន (iPhone 7) ឆ្នាំ​នេះ​នឹង​មាន​អង្គ​ផ្ទុក​ទិន្ន​ន័យ​ទំហំ ២៥៦ ជី ដែល​កាល​ពី​ឆ្នាំ​មុន​ត្រឹម​តែ ១២៨ ជី តែ​ប៉ុណ្ណោះ​។

១៧

១៧. ដំណឹងដែលគួរឱ្យរំភើប​ជាង​នេះ​នោះ​គឺ ទូរសព្ទ​អាយហ្វូន ដែល​នឹង​ផលិត​សម្រាប់​ឆ្នាំ ២០១៧ នឹង​មាន​តួ​ខ្លួន​កញ្ចក់ ប្រើ​ប្រព័ន្ធ​សាក​ថ្ម​គ្មាន​ខ្សែ ហើយ​អេក្រង់​របស់​វា​នឹង​លយ​ធ្លាយ​រហូត​ដល់​គែម​របស់​ទូរសព្ទ​តែ​ម្តង​៕

ប្រភព៖ tech

(Number Of Views: 462 times)