ការ​ប្រកួត​ប្រជែង​ស្នាដៃ​រចនា​អាគារដែល​ត្រូវ​បាន​រៀប​ចំ​ដោយ​ទស្សនា​វដ្តី​ អ៊ី​វូឡូ (eVolo) ក្នុង​បំណង​ស្វែង​រក​គំនិត​ច្នៃ​ប្រឌិត​ដែល​មាន​សក្តា​នុពល​ដើម្បី​​ផ្លាស់​ប្តូរ​នូវការ​​​យល់​ដឹង​របស់​មនុស្ស​ចំពោះ​អាគារ​ដ៏​ខ្ពស់​ស្កឹម​ស្កៃ​។ ខាង​ក្រោម​នេះ​គឺ​ជាគ្រោង​រចនា​​អាគារដ៏​ស្រស់​ស្អាត​​ចំនួន​ ១១ដែល​ទទួល​បាន​​ពាន​រង្វាន់ក្នុង​​ឆ្នាំ​២០១៦នេះ​។

1_1

បើ​និយាយ​អំពីអាគារ​​ច្រើន​ជាន់គឺ​មាន​ន័យ​ថាមនុស្សម្នា​តែ​​ង​គិត​ពី​អាគារសម័​យ​ទំនើប​​ដ៏ខ្ពស់​ស្កឹម​ស្កៃ​ដែល​ត្រូវ​បាន​សាង​សង់​នៅ​ចំ​កណ្តាល​ទី​ក្រុង​របស់​ប្រទេស​ណា​មួយ​។ ទោះ​ជា​យ៉ាង​ណា​​ ការ​ឌីហ្សាញ​នៃ​ញូ​យ៉ក​ហឺ​រៃ​ហ្សឹន​ (New York Horizon) បាន​ផ្លាស់​គំនិត​របស់​មនុស្ស​។ ដើម្បី​សាង​សង់​អាគារ​នេះ​ គេ​ត្រូវ​ជីក​ចូល​ទៅ​ក្នុង​ដី​ដើម្បី​ចាក់​គ្រឹះ​ដែល​មានជម្រៅ​​​ ៣០​ម៉ែត្រ​ដែល​ស្ថិត​នៅ​ក្នុង​​ឧទ្យាននៃ​​ទីក្រុង​ញូ​យ៉ក​ និង​ត្រូវបាន​ហ៊ុម​ព័ទ្ធ​ដោយ​ជញ្ជាំង​​ដ៏​ខ្ពស់ដែល​មាន​​ប្រវែងដល់​ទៅ​​ ៣០០ម៉ែត្រ​។

គម្រោង​សាង​សង់​អាគារ​មួយ​នេះ​នឹង​ផ្តល់​នូវ​ទី​ធ្លា​ដ៏​ធំ​ទូ​លាយ​ជាង​គេ​ដែល​លាត​សន្ធឹង​រហូត​ដល់​ទៅ​ ១៨​គីឡូ​ម៉ែត្រ​ការ៉េ​ ដែល​ធំ​ជាង​អាគារ​ខ្ពស់​ជាង​គេ​ក្នុង​ទីក្រុង​ញូយ៉ក​ ៨០​សិប​ដង​។ នេះ​គឺ​ជា​គម្រោង​សាង​សង់​អាគារ​ដែល​ខ្ពស់​ជាង​គេ​បំផុត​ទី​១២ នៅ​ក្នុង​ពិភព​លោក​។ ការ​ឌីហ្សាញ​សំណង់​អាគារ​នេះ​ទទួល​បាន​ចំណាត់​ថ្នាក់​លេខ​ ១ ក្នុង​ការ​ប្រកួត​ប្រជែង​ដែល​រៀ​បចំ​ដោយ​ទស្សនា​វដ្តី​ អ៊ី​វូឡូ​ ក្នុង​ឆ្នាំ​២០១៦​នេះ​។

2_1

សំណង​អាគារ​ដែល​ជាប់​ចំណាត់​​ថ្នាក់​លេខ​ ២ មាន​ឈ្មោះ​ថា “ហៃ​ហ្វ​” (Hive) ។ គ្រោង​អាគារ​នេះ​ត្រូវ​ឌី​ហ្សាញ​សម្រាប់​ថ្ងៃ​អនាគត​នៅ​ពេល​ដែល​​យន្ត​ហោះ​បញ្ជា​ដែល​គ្មាន​មនុស្ស​បើក​ត្រូវ​បាន​ផលិត​កាន់តែ​ច្រើន​ និង​មាន​ប្រជា​ប្រិយ​ភាព​កាន់​តែ​ខ្លាំង​ និង​ត្រូវការ​កន្លែង​ចត​ផ្ទាល់​ខ្លួននៅ​លើ​អាគារ​ដ៏​ខ្ពស់​ស្កឹម​ស្កៃ​។ គម្រោង​សាង​​សង់​អាគា​រ​នេះ​ត្រូវ​បាន​ឌីហ្សាញ​ឡើង​ដោយ​មាន​បំពាក់​នូវ​កន្លែង​ចត​សម្រាប់​យន្ត​ហោះ​ទំាង​នេះ​។ ​

3_1

ថ្មីៗ​នេះ មជ្ឈ​មណ្ឌល​រក្សា​ទុក​ទិន្នន័យ​ប្រើ​ប្រាស់​ភ្លើង​អគ្គីសនី​យ៉ាង​ច្រើន​សន្ធឹក​សន្ធាប់​ និង​ត្រូវ​តម្រូវ​ឱ្យ​គេ​ធ្វើ​ឱ្យ​វា​ថយ​កម្តៅ​ទៅ​វិញ​ជា​ញឹក​ញាប់​។ គម្រោង​សាង​សង់​អាគារ​នេះ​ត្រូវ​បាន​ដាក់​ស្នើរ​ដើម្បី​សាង​សង់​មជ្ឈមណ្ឌល​រក្សា​ទុក​ទិន្ន​ន័យ​នៅ​កន្លែង​ដែល​ត្រជាក់​ដូច​ជានៅ​​ប្រទេស​”អៃ​ស៏​ឡែន” (Iceland) ​ ដែល​ស្ថិត​នៅ​ក្នុង​ទ្វីប​អឺរ៉ុប​។ គម្រោង​សាង​សង់​អាគារ​មួយ​នេះ​គឺ​ជា​ដំណោះ​ស្រាយ​មួយ​ដ៏ល្អ​បំផុត​។ 

4_2

“ហស​ភី​ថល​ ម៉ូ​ហ្សឹន (Hospitals motion)” ​ គឺ​ជា​ឈ្មោះ​សម្រាប់​មន្ទីរ​ពេទ្យ​ជា​ទី​កន្លែងដែល​អ្នក​ជំងឺ​មិន​ចាំ​បាច់​ត្រឡប់​ទៅ​វិញ​។ ​ពួក​គេ​អាច​ដេក​សម្រាក​នៅ​កន្លែង​ដែល​មាន “​រំញ័រ​ច្រើន​” (mass movement) ដែល​ស្ថិត​នៅ​ក្នុង​អាគារ​នេះ​ដែល​ត្រូវ​បាន​យក​ទៅ​​គ្រប់​ទី​កន្លែង​ដោយ​មិន​ចាំ​បាច់​ប្រើ​ប្រាស់​ភ្លើ​ង​អគ្គីស​នី​អស់​ច្រើន​។​

5_2

ការ​ឌី​ហ្សាញ​បែប​ធម្មជាតិ​ដែល​មាន​ភាព​ទាក់​ទាញ​ពិត​ជា​ធ្វើ​ឱ្យ​ទស្សនិក​ជន​កោត​សរសើរ​មិន​ដាច់​ពី​មាត់​​។ វា​អាច​លុប​បំបាត់​នូវ​ខណ្ឌ​សី​មា​នៅ​នា​អាកាស​ដោយ​ភាព​ស្រស់​ស្អាត​គួរ​ឱ្យ​ទាក់​ភ្នែក​។

6_1

សំណង់​អាគារ​ “អ៊ែរ​ ស្ទែឡឺក​មៃថ៏ អិល​ អេ​” (Air-Stalagmite l à) គឺ​ជា​ដំណោះ​ស្រាយ​ដ៏ល្អ​បំផុត​ដើម្បី​លុប​បំបាត់​នូវ​ការ​បំពុល​បរិស្ថាន​។ ការ​សាង​សង់​នេះ​ត្រូវ​បាន​ឌីហ្សាញ​ដូច​ជា​វត្ថុ​សម្រាប់​ចម្រាញ់​ដែល​មាន​បំពាក់​ទៅ​ដោយ​ម៉ាស៊ីន​បូម​ធូលី​ដ៏​ធំ​សម្បើម​នៅ​ខាង​ក្រោម​។ ខ្យល់​ដែល​មាន​ជាតិ​ពុល​ត្រូវ​បាន​បូម​ចូល​ទៅ​ក្នុង​វា ហើយ​ត្រូវ​សម្អាត​ដោយ​ឧបករណ៍​ចម្រោះ​ជា​ច្រើន​ដែល​ត្រូវ​បាន​ដាក់​តាម​បណ្តោយ​អាគារ​។

7_1ការ​សាង​​សង់​ ខ្លាវ​ក្រាហ្វ​ថ៏ (Cloud Craft) គឺ​ត្រូវ​បាន​ឌី​ហ្សាញ​ដើម្បី​ជួយ​កាត់​បន្ថយ​នូវ​ការ​រាំង​ស្ងួតដោយ​បង្កើត​ឧបករណ៍​ ស៊ីដ​រ៉េន (Seed Rain) ។ អាគារ​នេះ​នឹង​ដាក់​បញ្ចូល​សារ​ធាតុគីមីដែល​មិន​ប៉ះ​ពាល់​ដល់​បរិស្ថាន​ និង​បង្កើត​នូវ​បរិយាកាស​មួយ​ដែល​អាច​ជួ​យ​ធ្វើ​ឱ្យមាន​​ពពក​ខ្មួល​ខ្មាញ់​បាន​។

8_1

កា​រ​​សាង​​សង់​​សំណង់​ “បាបឹល”​ (​Babel) ត្រូវ​បាន​ឌី​ហ្សាញ​សម្រាប់​ថ្ងៃ​អនាគត​នៅ​ពេលដែល​ធន​ធាន​ផ្សេងៗ​ប្រឈម​នឹង​ការ​ផុត​ពូជ​ និង​គម្រោង​មួយ​ចំនួនដែល​ប្រើ​នូវ​គំនិត​ច្នៃ​ប្រឌិត​ថ្មីដូច​នេះ​​ ​នឹង​ផ្តល់ទាំង​អាហារ​ និង​កន្លែង​រស់​នៅ​សម្រាប់​មនុស្ស​លោក​។

9

អាគារ​នេះ​មើល​ទៅ​ដូច​ជា​ផ្ទះជញ្ជាំង​កញ្ចក់​សម្រាប់ដាំ​រុក្ខ​ជាតិ​ ការ​ប្រើ​គ្រោង​ហ៊ុម​ព័ទ្ធ​ជុំ​វិញ​អាគារ​ដូ​ច​នេះ​ឆ្លុះ​បញ្ចាំង​ពី​ភាព​ជាប់​លាប់​បាន​យូរ​អង្វែង​ចំពោះ​ការ​ធ្វើ​កសិកម្មក្នុង​ទីក្រុង​។ អាគារ​នេះ​ត្រូវ​បាន​បំពាក់​ដោយ​ប្រព័ន្ធ​គ្រប់​គ្រង​អាកាស​ធាតុ​​ដើម្បី​ឱ្យ​មនុស្ស​អាច​ធ្វើ​កសិកម្ម​នៅ​លើ​វា​តែ​ម្តង​។ 

10

អាគា​រនៅ​តំបន់​ខ្ពង់​រាប​​ស្ថិត​នៅ​ក្នុង​កន្លែ​ង​សិប្ប​និមិត្ត​ដែល​មាន​ប្រភព​ទឹក និង​ដើម​រុក្ខ​ជាតិ​នៅ​ទី​រហោ​ស្ថាន​​។ អាគារ​​មាន​រាង​ជា​ស៊ី​ឡាំងស្តួច​ស្តើង​ដែល​អាច​ដាំ​ដើម​រុក្ខ​ជាតិ​ ប្រមូល​ និង​ផ្ទុក​ទឹក​ និង​អាច​ព្រោះ​គ្រាប់​ពូជ​នៅ​ក្នុង​បរិវេណ​ជុំ​វិញ​វា​។

11

គំនិត​ច្នៃ​ប្រឌិត​ថ្មី​ក្នុង​ការ​ឌីហ្សាញ​អាគារ​ដែល​មាន​ជញ្ជំាង​កញ្ចក់​ដ៏​ធំ​សម្បើមវែង​ទៅ​លើ​គឺ​ជា​ដំណោះ​ស្រាយ​តែ​មួយ​គត់​សម្រាប់​ការ​បម្រែ​បម្រួល​អាកាស​ធាតុ​។ នេះ​គឺ​ជា​អាគារ​ដែល​អាច​ផលិត​ថាម​ពល​ឡើង​វិញ​យ៉ាង​ឆាប់​រហ័ស​រួម​ទាំង​ការ​ស្រប​យក​ខ្យល់​ក្តៅ​ពី​ផ្ទៃ​ផែន​ដី​​៕ 

ប្រភព​៖ news.zing.vn

(Number Of Views: 258 times)